एजेन्सी, २३ फागुन । पेरिस सेन्ट जर्मेइन पीएसजीलाई रियल मड्रिडले ५–२ ले हराएको छ । पिएसजीविरुद्धको यो जितसँगै रियल मड्रिड च्याम्पियन्स लिगको क्वार्टर फाइनलमा पुगेको छ ।
रियलको जितमा रोनाल्डो र कासिमिरोले दोस्रो हाफमा १–१ गोल गर्दा गरे भने दोस्रो हाफमा १० खेलाडीमा सिमित भएको पीएसजीका लागि इडिन्सन कभानीले गोल गरे । दोस्रो लेगमा रियल मड्रिड २ –१ ले विजयी भयो ।
पहिलो लेगमा हात पारेको ३–१ को जितका कारण केही सहज स्थितीमा रहेको रियल मड्रिडलाई पीएसजीले आफ्नो मैदानमा केही दवाव दिए पनि हार रोक्न सकेन ।
पहिलो हाफ गोलरहित बराबरीमा सकियो । लुकास भाज्क्वेजको पासमा रोनाल्डोले ५१ औं मिनेटमा गोल गर्दै रियल मड्रिडलाई अग्रता दिलाउन सके ।
६६ औं मिनेटमा मिडफिल्डर मार्को भेराट्टी रातो कार्ड पाएपछि पीएसजी १० खेलाडीमा सिमित भयो । तर, त्यसको पाँच मिनेटपछि इडिन्सन कभानीले गोल गर्दै पीएसजीलाई आक्रामक बनाउने प्रयास गरे ।
८० औं मिनेटमा कासिमिरोले गोल गरेपछि पीएसजीको यात्रामा पूर्णविराम लाग्यो ।
The post पीएसजीविरुद्ध मड्रिडको शानदार जित appeared first on Sajha Post.