कश्मीर । यदि तपाईंको मनमा केही गर्ने जुनून छ भने यसलाई कसैले रोक्न सक्दैन । नेपालीमा उखान नै छ, ‘खाने मुखलाई जुंगाले छेक्दैन ।’ यस्तै एक उदाहरण हुन् भारत प्रसाशित कश्मीरका अमरि हुसेन ।
उनको दुवै हात छैन, तर क्रिकेटमा बलिङ र ब्याटिङ दुवै गर्न सक्छन् । २६ वर्षीय हुसेन कश्मीर पारा क्रिकेट टिमका कप्तान बनिसकेका छन् ।
८ वर्षको छँदा एक दुर्घटनामा परेर उनले आफ्ना दुवै हात गुमाएका थिए । उनको हात क्रिकेट ब्याट बनाउने मेशिनमा पेलिएको थियो । उनका बुबा अहमद ब्याट बनाउने काम गर्दथे । छोरालाई बचाउनका लागि उनले आफ्नो भएभरको सम्पति सवै बेचेर उपचारमा खर्चिए । तर, हात जोगाउन सम्भव भएन ।
तीन वर्षसम्म हस्पिटलमा रहेर डिस्चार्ज भएपछि अमिरले आफ्नो जीवन नयाँ शिराबाट सुरुवात गरे । पढाइलाई पनि अघि बढाए । उनले अहिले १२ कक्षा पास गरिसकेका छन् । क्रिकेटप्रति लगाव बच्चैदेखि थियो । उनले यसैमा भविष्य खोजे ।
उनी अहिले गर्धनमा ब्याट च्यापेर ब्याटिङ गर्नेमात्रै होइन, खुट्टाले स्पीन बलिङ पनि गर्छन् । क्रिकेटमा क्लासिकल सर्टमात्रै नभएर उनी छक्का पनि हान्न सक्छन् ।
हेर्नुस् दुवै हात नभएका अमिरको क्रिकेट कला:
The post OMG ! हात नै छैन, तर क्रिकेटमा बलिङ-ब्याटिङ दुवैमा अब्बल (भिडियोसहित) appeared first on Sajha Post.