एजेन्सी, ९ फागुन । गएराति नै भएको अर्को च्याम्पियन्स लिगको अन्तिम १६ को पहिलो लिग चरणमा बार्यन म्युनिखले बेसिकटासलाई ५-० गोलले पराजित गरेको छ ।
बार्यनको घरेलु मैदानमा भएको खेलमा बेसिकटासका खेलाडी डोमिग भिडाले खेलको १६ औ मिनेटमा नै रातो कार्ड खाएका थिए । १० जनामा सिमित बेसिकटासले बार्यनलाई रोक्न सकेन ।
बार्यनका लागि खेलको ४३ औ मिनेटमा थोमस मुलरले गोल गरे ।
दोस्रो हाफमा बार्यनले गोलको वर्षा नै गर्यो ।
बार्यनका लागि किंस्ले ओमरले दोस्र्रो गोल गरे । थोमस मुलरले खेलको ६६ औ मिनेटमा तेस्रो गोल गरे ।
रोबर्ट लिडोनोस्कीले खेलको ७९ औ र ८८ औ मिनेटमा दुई गोल गरे । यो जितसँगै बार्यनको अर्को चरणमा प्रवेश गर्ने सम्भावना बलियो भएको छ ।
The post च्याम्पियन्स लिगः बार्यन म्युनिखले हान्यो पाँच गोल appeared first on Sajha Post.