एजेन्सी, १६ फागुन । मंगलबार राति भएको स्पेनिस लिग लालिगामा रियल मड्रिडलाई झट्का लागेको छ । एस्पानियोलका स्टाइकर जेरार्ड मोरेनोले खेलको अन्तिम समयमा गोल गर्दै रियल पराजित भएको हो । एक दशकपछि रियल मड्रिड विरुद्ध इस्पानियोल जित दर्ता गर्न सफल भएको हो ।
सन् २००७ यता एस्पानियोलले रियलमाथि जित हात पार्न सकेको थिएन । पछिल्लो २२ खेल मध्य तीनमा बराबरी खेलेको थियो भने अरु सबैमा हार व्यहोरेको थियो । रियलका स्टार खेलाडी क्रिस्टियानो रोनाल्डो भने खेलेका थिएनन् । त्यसैको फाइदा इस्पानियोलले उठाउन सफल भएको छ ।
पछिल्ला पाँच खेल लगातार जितेको रियलले एस्पानियोलसँगको खेलमा भने रोनाल्डोलाई आराम दिएको थियो । हारसँगै रियलले दोस्रो स्थानको एथ्लेटिको मड्रिडसँग अंक दूरी घटाउने मौका गुमाएको छ ।
अंकतालिकामा तेस्रो स्थानको रियलको २६ खेलबाट ५१ अंक छ । बार्सिलोनाको ६५ अंक छ ।
The post रियल मड्रिडलाई अर्को झट्का, इस्पानियोलसँग पराजित appeared first on Sajha Post.