काठमाडौँ, १७ मंसिर । फ्रेन्च लिग वानमा लिगलिडर पेरिस सेन्ट जर्मेनलाई बोर्डोले कडा टक्कर दिएको छ । गएराति भएको खेलमा पिएसजीलाई बोर्डोले दुईदुई गोलको बराबरीमा रोक्न सफल भएको छ ।
पिएसजीका लागि नेयमार र केलियन एमबाप्पेले एकएक गोल गरेका थिए ।
बोर्डोका लागि जीमी ब्रान्ड र आन्द्रियास कोर्निलसले एक एक गोल गरे ।
खेलको ३४ औं मिनेटमा नेयमारको गोल गर्दै पिएसजीलाई अग्रता दिलाएका थिए ।
तर, ५३ औं मिनेटमा ब्रान्डले बराबरी गोल फर्काए ।
खेलको ६६ औं मिनेटमा एमबाप्पेले गोल गर्दै पुनः पिएसजीलाई अग्रता दिलाए । तर, खेलको ८४ औं मिनेटमा बोर्डोका कोर्निलसले गोल गरे ।
१४ खेलमा शतप्रतिशत जित निकालेको पिएसजीलाई १५ खेलमा भने पिएसजी बराबरीमा रोकिएको हो ।
यो बराबरी भएसँगै पिएसजीको १५ खेलमा ४३ अंक जोडेको छ । बोर्डोको १८ अंक रहेको छ ।
The post पिएसजीको जितकाे यात्रामा बोर्डो बाधक बनेपछि… appeared first on Sajha Post.