काठमाडौँ, २९ पुस । गएराति भएको प्रिमियर लिगमा आर्सनलले नमिठो हार भोगेको छ ।
यस सिजन मध्यम खेल प्रदर्शन गरेको आर्सनल वेस्टहम युनाइटेडसँग पराजित भएको हो ।
वेस्टहमको घरेलु मैदानमा भएको खेलमा आर्सनल १-० गोलले पराजित भएको हो ।
खेलको पहिलो मिनेटदेखि नै वेस्टहमले राम्रो खेल प्रदर्शन गरेको थियो ।
तर, पहिलो हाफमा कुनै पक्षबाट गोल हुन सकेन । तर, खेलको ४८ औ मिनेटमा डेकलान राइसले गोल गरे ।
उनले गरेको एकमात्र गोल नै खेल जित्न काफी रह्यो ।
यो जितसँगै वेस्टहम ३१ अंकका साथ लिगको नवौँ स्थानमा रहेको छ ।
२२ खेलमा आर्सनलले ४१ अंक जोडेको छ भने लिगको पाँचौ स्थानमा रहेको छ । लिगलिडर लिभरपुलभन्दा आर्सनल १६ अंकले पछि परेको छ ।
The post प्रिमियर लिगमा आर्सनलको नमिठो हार appeared first on Sajha Post.