काठमाडौँ, २२ माघ । गएराति भएको प्रिमियर लिगमा लिग लिडर लिभरपुल फेरि बराबरीमा रोकिएको छ ।
वेस्टहमविरुद्ध खेल एकएक गोलको बराबरीमा सकिएपछि लिभरपुलले म्यानचेस्टर सिटीसँगको अंकदुरी पनि बढाउन असफल भएको छ ।
खेलको २२ औ मिनेटमा साइडो मानेले गोल गर्दै लिभरपुललाई अग्रता दिलाएका थिए तर खेलको २८ औ मिनेटमा मिखेल एन्टोनियाले गोल बराबरी गोल फर्काएका थिए ।
यसअघिको खेलमा लिभरपुल लेइसेस्टरसँग एकएक गोलको बराबरी खेलेको थियो ।
मुख्य खेलाडीहरु घाइते भएपछि लिभरपुल खस्किएको समिक्षकहरुले बताएका छन् ।
लिभरपुलको २५ खेलमा ६२ अंक भएको छ । दोस्रो स्थानमा रहेको म्यान सिटीको ५९ अंक रहेको छ । यस सिजन प्रिमियर लिग उपाधिका लागि कडा प्रतिस्पर्धा हुने पक्का भएको छ ।
The post लिग लिडर लिभरपुललाई वेस्टहमले बराबरीमा रोकेपछि… appeared first on Sajha Post.