काठमाडौ, १९ फागुन । गएराति भएको स्पेनिस ला लिगामा दोस्रो एल क्लासिकोमा पनि बार्सिलोना बलियो देखियो । चार दिनको अन्तरमा भएको अर्को एल क्लासिको खेलमा बार्सिलोनाले रियल मड्रिडलाई १-० गोलले पराजित गरेको छ ।
कोपा डेल रे कपमा बार्सिलोनाले रियललाई पाखा लगाउँदै फाइनलको यात्रा तय गरेको थियो ।
एकपछि अर्को जित्दै गरेको बार्सिलोनाले रियलको उपाधि जित्ने आशालाई यस वर्ष तुहाइदिएको छ । बार्सिलोनाले ला लिगमा रियलसँगको अंकदुरी पनि बढाएको छ । बार्सिलोना रियलभन्दा १२ अंकले अगाडि रहेको छ।
बार्सिलोनाको जितमा एकमात्र गोल इभान राकिटिकले गरे । घरेलु मैदानमा रियलको रणनीति फेल खायो । दुईपटक लगातार रियल घरेलु मैदानमा पराजित भएको हो ।
रियलले बार्सिलोनासँग बदला लिने अवसर पनि गुमाएको छ ।
शीर्ष स्थानको बार्सिलोनाको २६ खेलबाट ६० अंक भएको । रियल ४८ अंक सहित तेस्रो स्थानमा छ । एट्लेटिकोको ५० अंक रहेको छ ।
The post घरेलु मैदानमा रियल मड्रिडको रणनीति फेल खायो, बार्सिलोनासँग फेरि पराजित appeared first on Sajha Post.