काठमाडौं, १७ असार । एकदिवसीय क्रिकेटअन्तर्गत आज भएको खेलमा भारतले बंगलादेशलाई ३१५ रनको लक्ष्य दिएको छ ।
बर्मिङंघममा टस जितेर पहिला ब्याटिङमा उत्रेको भारतले निर्धारित ५० ओभरमा ९ विकेट गुमाउँदै ३१४ रन बनाएको हो । भारतका लागि केएल राहुलले अर्ध शतक पूरा गरेका थिए । राहुलले ९२ बलमा १ छक्का र ६ चौकासहित ७७ रन बनाएका थिए ।
त्यस्तै रिशप पन्थले ४१ बलमा १ छक्का र ६ चौकासहित ४८, एमएस धोनीले ३३ बलमा ४ चौकासहित ३५, विराट कोहलीले २७ बलमा ३ चौकासहित २६, दिनेश कार्तिकले ९ बलमा १ चौकासहित ८, विजय कुमारले ३ बलमा २ र मोहम्मद शमीले २ बलमा १ रन बनाएर आउट भए ।
बंगलादेशका लागि मुस्ताफिजुर रहमानले सर्वाधिक ५ विकेट लिएका थिए । त्यस्तै रुबेल हुसेन, शाकिब अल हसन र सौम्य सरकारको नाममा १/१ विकेट रह्यो ।
रोहित शर्मा लगातार ४ शतक पूरा गर्ने पहिलो भारतीय बने
आजको खेलमा भारतका लागि रोहित शर्माले किर्तिमानी शतक पूरा गरेका थिए । शर्माले ९२ बलमा ५ छक्का र ७ चौका प्रहार गर्दै १०४ रन बनाएका हुन् ।
यस पटकको विश्वकपमा आजको शतकसँगै शर्माले ४ वटा शतक पूरा गरेका छन् । योसँगै एउटै विश्वकपमा ४ वटा शतक पूरा गर्ने पहिलो भारतीय क्रिकेटर बनेका छन् ।
विश्वकपमा एउटै सिजनमा धेरै शतक पूरा गर्ने (४ वटा शतक) किर्तीमानी श्रीलंकाका कुमार संगाकाराको नाममा छ ।
तर आजको शतकसँगै शर्मा र संगाकाराको शतक संख्या बराबरी भएको छ ।
The post भारतद्वारा बंगलादेशलाई ३१५ रनको लक्ष्य, रोहितको कीर्तिमानी शतक appeared first on Sajha Post.