काठमाडौं, ३ वैशाख । युरोपियन क्लब फुटबलको सबैभन्दा ठूलो प्रतियोगिता च्याम्पियन्स लिगको सेमीफाइनलमा रियल मड्रिडले म्यान्चेस्टर सिटीसँग प्रतिस्पर्धा गर्ने भएको छ ।
शुक्रबार भएको सेमीफाइनल ड्रममा रियलले सिटी र बार्यन म्युनिखले एथ्लेटिको मड्रिड प्रतिद्वन्दी पाएका हुन् ।
रियलले क्वार्टरफाइनलमा वुल्फबर्ग, एथ्लेटिकोले बार्सिलोना, बार्यनले बेनफिका र सिटीले पिएसजीको चुनौती पन्छाएका थिए ।
रिलय र बार्यन यसअघि च्याम्पियन्स लिग जितिसकेका टिम हुन् भने सिटी र एथ्लेटिकोले जित्न सकेको छैन । अझ सिटीका लागि त यो सेमीफाइनल नै सबैभन्दा माथिल्लो सफलता हो । एथ्लेटिको यसअघि दुई पटक फाइनलमा पुगेर पराजित भएको थियो ।
प्रतियोगिताको साविकको विजेता बार्सिलोना हो । उसले एथ्लेटिकोसँग क्वाटरफाइनलमा ३-२ एग्रीगेटमा हारेको थियो । यससँगै बार्सिलोनाले च्याम्पियन्स लिगको इतिहासमै उपाधि डिफेन्ड गर्ने पहिलो टोली बन्ने मौका गुमाएको थियो । अहिलेसम्म कुनै पनि टिमले लगातार दुई उपाधि जितेका छैनन् ।
The post च्याम्पियन्स लिगको सेमीफाइनलमा रियल र सिटी तथा बार्यन र एथ्लेटिको भिड्ने appeared first on Sajha Post.