एजेन्सी, १६ वैशाख । गएराति भएको स्पेनिस लिग लालिगामा रियल मड्रिडले लेगानेसलाई २-१ गोलले पराजित गरेको छ ।
खेलको ८ औ मिनेटमा ग्यारेथ बेलले गोल गर्दै रियललाई अग्रता दिलाएका थिए ।
खेलको ४५ औ मिनेटमा बोर्जा मायोरेलले रियलका लागि दोस्रो गोल गरे । तर, दोस्रो हाफमा लेगानेस फर्कने हरसम्भव प्रयास गर्यो । खेलको ६६ औ मिनेटमा लेगानेसका डार्कोले गोल गरे ।
तर, त्यसपछि खेलमा रियलले राम्रो नियन्त्रण बनायो । यो जितसँगै रियलको ३४ खेलमा ७१ अंक भएको छ । एट्लेटिको मड्रिडको ३४ खेलमा ७२ अंक रहेको छ ।
लिग लिडर बार्सिलोनाको ३३ खेलमा ८३ अंक रहेको छ ।
The post एट्लेटिको मड्रिडलाई पछ्याउँदै रियल मड्रिड appeared first on Sajha Post.