काठमाडौं, २७ असोज । आईसीसी महिला विश्वकप अन्तर्गत एसिया क्षेत्रको छनोट प्रतियोगितामा नेपालले दोस्रो जित दर्ता गरेको छ ।
हङकङमा जारी आईसीसी महिला विश्वकप २०१७ को एसियाली छनोटमा नेपालले हङकङलाई ६ रनले हराएको हो ।
कौलुन क्रिकेट क्लबमा आज पौने १२ बजेबाट सुरु भएको खेलमा नेपाल जित्नै पर्ने दबाव बोकेर मैदानमा उत्रिएको थियो । टस जितेर ब्याटिङ रोजेको नेपालले कमजोर सुरुवात गरेको थियो ।
७६ रनको लक्ष्य पछ्याएको हङकङलाई १७ ओभर ४ बलमा ६९रनमा अलआउट गर्दै नेपालले दुई अंक जोडेको हो ।
हङकङविरुद्ध जित हात पार्ने क्रममा नेपालकी करुणा भन्डारीले ३ तथा सरीता पुनले २ विकेट लिइन् । रुबिना क्षेत्री, सबनम राई र निर्मला कुमारीले १-१ विकेट लिए । हङकङका दुई खेलाडी रन आउट हुन पुगे ।
हङकङ सामु ७६ रनको लक्ष्य प्रस्तुत गरेको नेपालका लागि करुणा भण्डारीले सर्वाधिक १९ रन बनाउँदै अविजित रहिन् । नेपालकी ईन्दु बर्माले १५, ज्योती पाण्डे ११ र नेरी थापा १० रन बनाए भने अन्यले दोहारो अकंको स्कोर गर्न सकेनन् । हङ्गकङ्गकी चान का मान र केन्नु गिलले २–२ विकेट लिए । मारिको हिलले १ विकेट लिईन् । नेपालले पुरा ओभरमा ८ विकेटको क्षतिमा ७५ रन बनाएको थियो ।
खेलमा नेपालकी करुणा भण्डारी प्लेयर्स अफ दि म्याच भएकी छिन् । उनले अविजित १९ रन साथै ३ विकेट हात पारेकी थिइन् ।
चीनमाथि हात पारेको जितसँगै नेपालले शीर्षस्थानमा रहेर विश्वकपको ‘ग्लोबल छनोट’ खेल्ने संभावना कायमै राखेको थियो ।
The post छनौट खेलमा नेपालको दोस्रो जित, हङकङ ६ रनले पराजित appeared first on Sajha Post.