काठमाडौँ, ३० साउन । रियल मड्रिडका स्टार खेलाडी सर्जियो रामोसले लिभरपुलका प्रशिक्षक उर्गेन क्लपलाई कडा शब्दमा व्यंग गरेका छन् ।
केही हप्ता अगाडि क्लपले गएको सिजनको च्याम्पियन्स लिगमा भएको घटनालाई लिएर रामोसलाई ‘रेस्लर’ को संज्ञा दिएका थिए ।
च्याम्पियन्स लिगमा भएको फाइनल खेलमा रामोसले मोहमम्द सलाहलाई घाइते बनाएको भन्दै क्लपले रामोसको आलोचना गरेका थिए । तर, उक्त कुरा नकार्दै रामोसले क्लपलाई कडा शब्दमा प्रतिक्रिया दिएका छन् । उनले भनेका छन्,‘त्यही कुरालाई लिएर उनी अझै अल्झिरहेका छन् भने मलाई भन्नु केही छैन । सबैको आफ्नो आफ्नो विचार हुन्छ म त्यसलाई सम्मान गर्छु ।’
उनले थप्दै भनेका छन्,‘पहिला सलाहले मेरो पाखुरा समातेको हो । यही कारणलाई लिएर उनलाई हारे जस्तो लाग्छ भने उनले फाइनल हारेको यो पहिलोपटक भने होइन ।’
The post रामोसले दिए क्लपलाई कडा शब्दमा प्रतिक्रिया appeared first on Sajha Post.