काठमाडौं, ४ पुस । एसीसी यू-१९ एसिया कप क्रिकेट प्रतियोगितामा नेपाली युवा टोलीको प्रदर्शनबाट निकै प्रभावित भएको श्रीलंकाले स्वदेश फर्किनुअघि नेपाली खेलाडीहरुलाई उपहार प्रदान गरेको छ । क्रिकेट श्रीलंकाले नेपाली युवा खेलाडीहरुलाई खेल सामाग्री प्रदान गरेको हो ।
श्रीलंकाली क्रिकेट बोर्डका प्रमुख थिलंगा सुमाथिपलाले नेपाली टोलीलाई खेल सामाग्री प्रदान गरे । यसको जानकारी नेपाली टोलीका टेक्निकल एनालिष्ट रमन सिवाकोटीले फेसबुकमार्फत दिएका छन् । त्यसक्रममा नेपालका तर्फबाट खुकुरी उपहार दिइएको थियो ।
प्रतियोगिताअन्तर्गत आ-आफ्नो पहिलो खेलमा नेपाल र श्रीलंका आमने-सामने भएका थिए । टेष्ट मान्यताप्राप्त श्रीलंकाको युवा टोलीलाई नेपालविरुद्ध झिनो जित दर्ता गर्न पनि निकै मेहनत गर्नु परेको थियो । सो खेल श्रीलंकाले १ रनले जित्यो ।
सोही हार नेपाल नकआउट चरणमा नपुग्नुको कारण बन्यो ।
तस्बिर: रमन सिवाकोटीको फेसबुक पेजबाट
The post नेपाली युवा टोलीको खेलबाट प्रभावित श्रीलंकाले स्वदेश फर्किनै लाग्दा दियो उपहार appeared first on Sajha Post.