काठमाडौँ, १७ मंसिर । गएराति भएको प्रिमियर लिगमा चेल्सीले फुलहमलाई २-० गोलले पराजित गरेको छ ।
गएको हप्ता टोटनहमसँग पराजित भएको चेल्सीले सानदार कमव्याक गरेको हो ।
चेल्सीको जितमा पेद्रो र रुबेन लफ्टस चिकले गोल गरेका थिए ।
खेलको चौथो मिनेटमा नै चेल्सीले खेलमा अग्रता लिएको थियो । चेल्सीका लागि पेद्रोले गोल गरेका थिए ।
खेलको ८२ औ मिनेटमा लफ्टस चिकले दोस्रो गोल गरे । यस सिजन प्रिमियर लिगको दाबी मानिएको चेल्सीले १४ खेलमा ३१ अंक जोडेको छ ।
लिगको तेस्रो स्थानमा रहेको चेल्सी म्यानचेस्टर सिटीभन्दा सात अंकले पछि रहेको छ । फुलहम आठ अंकका साथ २० औ स्थानमा रहेको छ ।
The post चेल्सीको सहज जित, फुलहम थप समस्यामा appeared first on Sajha Post.
