Image may be NSFW.
Clik here to view.
काठमाडौं, २ असोज । स्पेनिस ला लिगा अन्तर्गत शनिबार राति भएको खेलमा डिफेन्डिङ च्याम्पियन बार्सिलोनाले नयाँ क्लब लेगानेसविरुद्ध शानदार विजय हासिल गरेको छ । बार्सिलोनाले लेगानेसलाई ५–१ ले हराएको हो ।
बार्सिलोनाको जितका लागि लियोनल मेस्सीले दुई तथा लुइस स्वारेज, नेइमार र राफिन्हाले एक-एक गोल गरे । खेलमा बार्सिलोनाका लागि १५ औं मिनेटमा मेस्सीले गोल गर्दै सुरुवाति अग्रता दिलाउँदै टिम बार्सिलोनाको हौसला बढाए ।
यसैगरी स्वारेजले ३१ औं मिनेटमा र नेइमारले ४४ औं मिनेटमा गोल गरेपछि बार्सिलोनाले पहिलो हाफमै ३–० अग्रता लियो । दोस्रो हाफमा बार्सिलोना रोकिएन र थप दुई गोल गर्यो भने लेगानेसले एक गोल मात्र फर्काएरै चित्त बुझायो ।
५५ औं मिनेटमा पाएको पेनाल्टीको अवसरलाई मेस्सीले व्यक्तिगत दोस्रो गोलमा रुपान्तर गरे भने ६४ औं मिनेटमा राफिन्हाले गोल गरेपछि बार्सिलोनाले ५–० विशाल अन्तर बनायो ।
८० औं मिनेटमा लेगानेसका लागि एप्पेल्ट पिरेसले एक गोल फर्काएपछि बार्सिलोना ५-१ ले विजयी बन्यो । मंगलबार राति भएको च्याम्पियन्स लिग समूह चरणको खेलमा सेल्टिकलाई ७–० ले हराएको थियो । यसरी बार्सिलोनाले आफ्ना पछिल्ला दुई खेलमा १२ गोल गर्न सफल भएको छ ।
लिगमा गएको हप्ता भएको खेलमा अलाभेससँग बार्सिलोनाले २–१ ले हारेको जितपछि बार्सिलोनाको चार खेलबाट ९ अंक भएको छ । रियल मड्रिडको पनि ९ अंक नै छ तर उसले एक खेल कम खेलेको छ ।
Image may be NSFW.
Clik here to view.
The post एमएसएन चम्किएपछि बार्सिलोनाको सानदार जित appeared first on Sajha Post.
