एजेन्सी । ब्राजिलसँग ३-० गोलले पराजित भएपछि सन् २०१८ मा रसियामा हुने विश्वकपका लागि चिली छनोट हुन असफल भएको छ ।
पहिलो हाफमा निकै सम्हालिएर खेलेको चिलीले दोस्रो हाफमा भने ब्राजिललाई रोक्न सकेन । ब्राजिलका लागि पोलिन्होले खेलको ५५ औ मिनेटमा गोल गरे ।
त्यसपछि खेलमा चम्किए ग्राबियल जेसस । उनले खेलको ५८ र ९० औ मिनेटमा गोल गरे ।
पेरुले कोलम्बियासँग एकएक गोलको बराबरी खेल खेलेपछि चिलीको प्लेअफ खेल्ने सपना पनि तुहिएको थियो । पाँचौ स्थानमा रहेको पेरुले अब प्लेअफ खेल्नेछ भने छैठो स्थानमा रहेको चिली आउट भएको छ ।
The post चिली चिप्लियो appeared first on Sajha Post.